Түшиг санхүүгийн систем

Нягтлан бодох бүртгэлийн Түшиг программ нь 1995 оноос хойш ашиглагдаж байна. Анхны Түшиг-01 хувилбар нь DOS-ийн орчинд ажилладаг байсан бол 1997 онд 2 дахь хувилбар болох Түшиг-02 нь Windows сүлжээнд ажилладаг болсон. 2001 оноос Түшиг-03 хувилбар нь Microsoft SQL-2000 бааз дээр, 2004 оноос УБЦТС компанийн борлуулалтын програмыг Access баазаас MSSQL рүү хөрвүүлэн мэдээлэлийн сүлжээг нэгтгэх ажил хийж байсан. 2009 оноос Түшиг-04 хувилбар нь Visual Studio Dot net технологи дээр суурилан сүлжээ дэлгүүрийн программ болгон өргөжсөн. 2011 оноос Түшиг-05 хувилбар нь UNICODE-д шилжсэн. Цаашид вэб технологиор хөгжүүлэн шинэчлэлт хийх зорилготой байна. Тус программ нь биснесийн үйл ажиллагааг хялбаршуулах, нягтлан бодох бүртгэлийн нүсэр үйл ажиллагааг компьютерийн сүлжээ, хөдөлмөр хувиарлалтын оновчтой шийдлийг ашиглан бүртгэлийн үйл ажиллагааг үлэмж хөнгөлж, үнэн зөв, хурдтай, бүртгэл хөтлөн, тайлан мэдээгээ зөв гаргах үндсэн нөхцөлийг бүрдүүлж өгдөг юм. Одоогийн байдлаар бид Түшиг-03, Түшиг-05 хувилбаруудаа худалдаж байгаа бөгөөд программ нь доорхи үндсэн хэсгүүдээс бүрдэнэ.

Ерөнхий журнал

Дэд ба ерөнхий дансны тохиргоо хэлтсийн бүртгэл, ерөнхий журнал, дансны эхний үлдэгдэл оруулах, ерөнхий журнал (гүйлгээний түүвэр), ОЗНДансны хаалт, Гүйлгээ баланс, тайлан тэнцэл, орлогын тайлан, үр ашгийн тайлан, мөнгөн гүйлгээний тайлан, байгууллагын ерөнхий тохиргоо, харилцагчийн бүртгэл, Бараа материал, үндсэн хөрөнгө, мөнгөн хөрөнгө, дэлгүүр, цалингийн журналын тохиргоо, хандах эрхийн тохиргоо зэргүүдээс бүрдэнэ.

Мөнгөн хөрөнгийн бүртгэл

Мөнгөн хөрөнгө нь гадаад, дотоодын валютын ханш, бэлэн мөнгө болон харилцахын орлого зарлага, борлуулалтын тайлан, мөнгөний эргэлтийн нэгдсэн тайлан, банкны бүртгэл зэргээс бүрдэх мөнгөн хөрөнгий бүртгэлд бараа материал болон үндсэн хөрөнгийн бүртгэлд гарсан авлага өглөгийн тооцоо хаах, зардалуудыг бүртгэх зэрэг өдөр тутмын мөнгөн хөрөнгийн бүртгэлийн үйл ажиллагааг явуулж болно.

Бараа материал борлуулалтын бүртгэл

Бараа материал борлуулалтын бүртгэлд материалын кодын бүртгэл, материалын ерөнхий тохиргоо үүнд барааны төрөл бүлэг брэндийн бүртгэл, хэлтэс болон тасаг, карт хэрэглэгчийн бүртгэл, тасгийн хувиарлалт, ажлын захиалгын бүртгэл, төсөв болон гүйцэтгэлийн тайлан, худалдан авалт, борлуулалтын буцаалт, зарлага, дэлгүүр, шаардах, дотоод орлого зарлага, материалын үнэ хөнгөлөлт, материалын тайлан, картын тайлань борлуулалтын нэгтгэл, зардлын тайлан зэрэг хэсгүүд орно.

Үндсэн хөрөнгийн бүртгэл

Үндсэн хөрөнгийн бүртгэлд Үндсэн хөрөнгийн кодын бүртгэл, худалдан авалт, зарах, атлах, шилжүүлэх, үлдэгдлийн тайлан зэрэг хэсгүүд орно.